Ambasadori i Izraelit, David Cohen, viziton fabrikën e Birrës Korça


Korce, 19 maj 2014-  Ambasadori i Izraelit në Tiranë, David Cohen, gjatë një vizite në qytetin e Korçës ka shfaqur interes të veçantë për të parë nga afër fabrikën e Birrës ‘Korça’.

I shoqëruar nga drejtoresha e kësaj fabrike Evgjeni Kashuta, diplomati izraelit ka mbetur i impresionuar për sa i takon investimit madhor në fabrikën e birrës së parë shqiptare. 


“Ndjehem shumë mirë pasi provova shijen e mirë të birrës Korça. Mund t’ju them se, në Shqipëri kur më pyesin se çfarë birre dëshiron, unë përgjigjem birrën kombëtare, birrën ‘Korça’. Mes shumë birrave që kam provuar unë prej momentit që shijova birrën ‘Korça’, u impresionova dhe kam zgjedhur të kënaqem me shijen e mirë të kësaj birre. Për herë të parë birrën ‘Korça’ e kam provuar në vitin 2010 kur erdha për herë të parë në Shqipëri dhe kjo ndodhi pikërisht pasi unë u betova para Presidentit në atë kohë dhe pasi festuam në drekë. Kjo ishte hera e parë që e provova birrën ‘Korça’ dhe mbetet e preferuara ime”, tha ai.

Më tej ai nuk ka nguruar të vlerësojë maksimalisht edhe teknologjinë e standardeve evropiane dhe aparaturat moderne të fabrikës së birrës ‘Korça’, ndërsa e ka konsideruar atë si një ndër investimet më të mëdha në Shqipëri dhe jo vetëm.

“Mund t’ju them se kam vizituar disa fabrika birre në të gjithë botën por edhe në vendin tim dhe jam i impresionuar për këtë birrari që kam dëgjuar se është ndërtuar në vitin 1929. Pashë se është pajisur me makineri moderne dhe duhet të them që është një privilegj për qytetin e Korçës që ka këtë fabrikë në zemër të qytetit dhe ka mundësuar punësimin për shumë familje të qytetit. Kjo familje me të vërtetë është një investim i shkëlqyer”, shtoi ai.

Birra ‘Korça’ nga viti në vit ka surprizuar me kapërcimin e suksesit të saj, duke e konkurruar tashmë edhe tregun evropian. Megjithatë cilësia e shkëlqyer e birrës ‘Korça’ vijon të jetë prioritet i kësaj sipërmarrje gjigande, e cila së fundmi ka përzgjedhur për konsulencë një nga grupet më me emër në Gjermani, që tashmë po e rendit birrën ‘Korça’ përkrah birrave elitare edhe jashtë Shqipërisë.
(m.a/News24/BalkanWeb)

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Izrael-Shqipëri, bashkëpunim në fushën ekonomike dhe sigurinë kibernetike

Ministria e Jashtme të Izraelit reagon pas vizitës në Jeruzalem, të delegacionit nga Ministria e Jashtme të Shqipërisë.

Shqipëri

Nderohet konsulli i Izraelit në Shqipëri, Rodolf Xhillari

Zv.kryetarja e Kuvendit, Ermonela Felaj Valikaj: Rikonfirmim i miqësisë mes dy popujve

Kosove

Kosova merr pjesë në Ekspozitën Ndërkombëtare të Turizmit në Tel Aviv

Republika e Kosovës po merr pjesë në Ekspozitën Ndërkombëtare të Turizmit në Tel Aviv të Shtetit të Izraelit

OPED

Izraelin dhe Kosovën e pret një ardhme e shkëlqyer bashkëpunimi ekonomik

Anëtar i kryesisë së Dhomës së Tregtisë së Izraelit dhe anëtar i bordit drejtues të Institutit të Eksporteve të Izraelit

Bota

Nderohet konsulli i Izraelit në Shqipëri, Rodolf Xhillari

Zv.kryetarja e Kuvendit, Ermonela Felaj Valikaj: Rikonfirmim i miqësisë mes dy popujve

Spyzone

Rrëfehet ish-shefi i Mossad, Yossi Cohen: Operacionet që mahnitën shërbimet inteligjente

Yossi Cohen jep detaje specifike të veprimeve të Mossad kundër programit bërthamor të Teheranit