Yuvale Fischer: Isha dhe jam i përkushtuar ndaj Shqipërisë dhe Izraelit!

Ish-zv.ambasadori i Izraelit në Shqipëri, Yuvale Fischer, është nga ata diplomatë izraelitë, që hyri shumë shpejt në zemrat e shqiptarëve dhe kujtohet gjithmonë me dashuri.


Nga Dash Frashëri, botues i “Izraeli Sot”

Ish-zv.ambasadori i Izraelit në Shqipëri, Yuvale Fischer, është nga ata diplomatë izraelitë, që hyri shumë shpejt në zemrat e shqiptarëve dhe kujtohet gjithmonë me dashuri.

Jo vetëm së ai iu përkushtua mësimit të gjuhës shqipe, por “diplomacisë digjitale” që ai përdori në marrëdhëniet e tij, jo vetëm në ato zyrtare, por edhe private.

“Unë isha dhe jam i përkushtuar ndaj Shqipërisë dhe Izraelit”, tha Fischer për gazetën “Izraeli Sot”, në kuadër të 30-vjetorit të vendosjes së marrëdhënieve diplomatike midis Shqipërisë dhe Izraelit, të cilat datojnë më 19 gusht 1991.


Në qershor 2017, Fakulteti i Gjuhëve të Huaja në bashkëpunim me Ambasadën izraelite në Shqipëri diplomuan 16 studentët e parë që ndoqën dhe studiuan për disa muaj gjuhën hebraike.

“Fusha e Arsimit ishte në vëmendjen time. Hapja për herë të parë në Shqipëri e kursit të gjuhës hebraike me bashkëpunimin e fakultetit të Gjuhëve të Huaja, Universiteti i Tiranës e cilësoj si një arritje”, thekson ish-zv.ambasadori Fischer.

Zëvendësambasadori i Izraelit në Tiranë, Yuvale Fisher, ishte midis fëmijëve me nevoja speciale në qendrën sociale “Të qëndrojmë së bashku” në Tiranë.

“Arritjet, kontributi dhe aktivitetet e mia të përkushtuara për njerëzit e Shqipërisë në çështjet e të drejtave të njeriut, për fëmijët me aftësi të kufizuara, për njerëzit e varfër, për komunitetin e ciganëve, për jetimët, etj.”, thekson Fischer.

“Një ditë e këndshme me fëmijët me nevoja speciale në qendrën sociale ‘Të qëndrojmë së bashku’ në Tiranë”, shkruan në statusin e tij diplomati i lartë izraelit, i cili publikoi edhe një sërë fotosh nga aktiviteti, më 28 dhjetor 2017.

Ai ndërmori edhe disa projekte, në fushën e kulturës dhe diplomacisë publike.

“Iniciativa ime për të pasur një shesh në Tiranë me emrin e Presidentit të ndjerë të Izraelit, Z. Shimon Peres”, ishte diçka me të vërtetë e bukur”, shton Fischer.

Në korrik 2018, gjatë ceremonisë, ndërsa himnet kombëtare të Shqipërisë dhe Izraelit po luheshin, busti i Shimon Peres u zbulua nga zëvendësambasadori i Izraelit në Tiranë, Yuvale Fischer, djali i Peres, Yonathan Peres dhe zoti Aldrin Dalipi, kryetar i Këshillit Bashkiak të Tiranës, ndërsa ishin të pranishëm zyrtarë të bashkisë, staf nga ambasada izraelite, miq të Izraelit dhe gazetarë e qytetarë të zonës.

Në fjalën e tij, zv.ambasadori izraelit, Yuvale Fischer, tha se Shqipëria dhe Izraeli gëzojnë një marrëdhënie të gjatë, plot me respekt dhe vlerësimi të ndërsjellë, por më e rëndësishmja, miqësia e ngushtë.

“Inaugurimi i një sheshi që mban emrin e presidentit tonë të fundit të ndjerë, z. Shimom Peres, që do të shërbejë si një kujtesë e përhershme për qytetarët shqiptarë dhe ata izraelitë”, tha Fischer.

Zvëndësambasadori i Izraelit në Shqipëri, Yuvale Fischer, u nderua nga Shoqata e Miqësisë Shqipëri-Izrael me çmimin “Nënë Tereza”, për kontributin e tij në çështjet e të drejtave të njeriut, veçanërisht për komunitetit egjiptian dhe fëmijët jetimë. Kryetari i Shoqatës, Prof.Dr. Petrit Zorba, përveç pllakatës së çmimit i dhuroi zëvendësambasadorit edhe një bust të Nënë Terezës.


Sot, Yuvale Fischer punon në Ministrinë e Jashtme të Izraelit, në Jeruzalem.

 

Lexo më shumë

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Izrael-Shqipëri, bashkëpunim në fushën ekonomike dhe sigurinë kibernetike

Ministria e Jashtme të Izraelit reagon pas vizitës në Jeruzalem, të delegacionit nga Ministria e Jashtme të Shqipërisë.

Shqipëri

Nderohet konsulli i Izraelit në Shqipëri, Rodolf Xhillari

Zv.kryetarja e Kuvendit, Ermonela Felaj Valikaj: Rikonfirmim i miqësisë mes dy popujve

Kosove

Kosova merr pjesë në Ekspozitën Ndërkombëtare të Turizmit në Tel Aviv

Republika e Kosovës po merr pjesë në Ekspozitën Ndërkombëtare të Turizmit në Tel Aviv të Shtetit të Izraelit

OPED

Izraelin dhe Kosovën e pret një ardhme e shkëlqyer bashkëpunimi ekonomik

Anëtar i kryesisë së Dhomës së Tregtisë së Izraelit dhe anëtar i bordit drejtues të Institutit të Eksporteve të Izraelit

Bota

Nderohet konsulli i Izraelit në Shqipëri, Rodolf Xhillari

Zv.kryetarja e Kuvendit, Ermonela Felaj Valikaj: Rikonfirmim i miqësisë mes dy popujve

Spyzone

Rrëfehet ish-shefi i Mossad, Yossi Cohen: Operacionet që mahnitën shërbimet inteligjente

Yossi Cohen jep detaje specifike të veprimeve të Mossad kundër programit bërthamor të Teheranit