Armë nga Izraeli në Ukrainë!

Amerikanët dërgojnë 300 mijë mortaja artilerie 155 milimetërshe nga arsenali i tyre ushtarak në vendin hebre


Në një kohë që lufta Rusi-Ukrainë po vijon, SHBA ka dërguar në Kiev municione nga arsenali i vendosur në Izrael, që vendi nën pushtim t’i përdorë kundër Moskës– raportoi gazeta e madhe amerikane “New York Times”, duke thënë se vendimi është marrë vitin e kaluar, kur aleati i Uashingtonit në lindjen e mesme qeverisej nga një kryeministër centrist.

Një zyrtar izraelit konfirmoi raportin për agjencinë e lajmeve Reuters duke thënë se kryeministri i atëhershëm, Yair Lapid, miratoi transferimin edhe pse SHBA nuk ka nevojë formalisht për një aprovim të tillë.

Ndërsa ka dënuar pushtimin rus të Ukrainës, Izraeli e ka kufizuar mbështetjen e tij për Kievin në ndihma humanitare dhe pajisje mbrojtëse, ndërsa ka përjashtuar dërgimin direkt të armatimeve.

Izraelitët duan të ruajnë balancat me Rusinë, të vendosura në 2015-ën, në lidhje me sulmet e tyre ushtarake mbi shënjestra të dyshuara iraniane në Siri, ku Moska ka trupa. Izraeli po ashtu është i vetëdijshëm për komunitetin e madh hebre që jeton në Rusi.

Zyrtari izraelit nuk dinte nëse ndonjë transferim i tillë armësh amerikane nga Izraeli pritet tani nën kryeministrin konservator Benjamin Netanyahu, që mori detyrën më 29 dhjetor dhe që gjatë mandateve të mëparshme ka patur një raport personal me presidentin rus Vladimir Putin…Ambasada amerikane në Izrael nuk ka bërë komente për raportin e New York Times, por ambasadori ukrainas atje, Jevgeni Kornichuk, tha përmes telefonit se nuk e kishte idenë nëse raporti ishte i vërtetë apo jo.

Ambasada ruse në anën tjetër nuk ka bërë komente. Për dekada, Pentagoni ka mbajtur municione në Izrael në mënyrë që ato të shërbenin në rast emergjencash për vendin në kohë lufte, ose që të dërgoheshin në vende të tjera aleate të shteteve të bashkuara.

Sipas New York Times, municionet amerikane të dërguara nga Izraeli në Ukrainë ishin rreth 300 mijë mortaja artilerie 155 milimetërshe, të llojit që Kievi po i përdor pa kursim.

Edhe pse këto municione janë nën në duart izraelite, amerikanët nuk kanë nevojë për leje për ti zhvendosur ato.

“Municionet janë thjeshtë pronë amerikane”, thotë David Ivri, ish drejtor i përgjithshëm i ministrisë izraelite të mbrojtjes dhe një gjeneral i forcave ajrore

Kompania izraelite LR Group, projekt investimesh në Shqipëri

Ministri i Ekonomisë, Kulturës dhe Inovacionit, Blendi Gonxhja, priti Ambasadoren e Izraelit në Shqipëri, Galit Peleg.

Izrael

Izrael-Shqipëri, bashkëpunim në fushën ekonomike dhe sigurinë kibernetike

Ministria e Jashtme të Izraelit reagon pas vizitës në Jeruzalem, të delegacionit nga Ministria e Jashtme të Shqipërisë.

Shqipëri

Nderohet konsulli i Izraelit në Shqipëri, Rodolf Xhillari

Zv.kryetarja e Kuvendit, Ermonela Felaj Valikaj: Rikonfirmim i miqësisë mes dy popujve

Kosove

Kosova merr pjesë në Ekspozitën Ndërkombëtare të Turizmit në Tel Aviv

Republika e Kosovës po merr pjesë në Ekspozitën Ndërkombëtare të Turizmit në Tel Aviv të Shtetit të Izraelit

OPED

Izraelin dhe Kosovën e pret një ardhme e shkëlqyer bashkëpunimi ekonomik

Anëtar i kryesisë së Dhomës së Tregtisë së Izraelit dhe anëtar i bordit drejtues të Institutit të Eksporteve të Izraelit

Bota

Nderohet konsulli i Izraelit në Shqipëri, Rodolf Xhillari

Zv.kryetarja e Kuvendit, Ermonela Felaj Valikaj: Rikonfirmim i miqësisë mes dy popujve

Spyzone

Rrëfehet ish-shefi i Mossad, Yossi Cohen: Operacionet që mahnitën shërbimet inteligjente

Yossi Cohen jep detaje specifike të veprimeve të Mossad kundër programit bërthamor të Teheranit